中環出更：江明熙悟無常 助人為樂
依家做醫生壓力大，忙到氣都咳，但對於香港醫療專業人士協會（醫專會）創會主席江明熙（Bernard）嚟講，就算再忙都要幫人。Bernard本身係港島東醫院聯網社區服務副總監，行醫多年，見盡生離死別，創立醫專會，緣於兒子去世，令佢真正感到，生命係何等脆弱。
緣於兒子去世
Bernard回想當年佢一對孖仔出世嘅不幸事，大孖出世三日就夭折，佢喺生死註冊處內，一邊為大孖申領死亡證，一邊替細孖申領出世紙，人生百感交集。那一刻，佢學會施予和珍惜，三年多前成立「醫專會」，與善心醫生及護士齊做義工，不時到廣西為民工義診。
「醫專會」嚟緊又有一連串助人計劃，Bernard預告該會將資助低收入人士補牙、剝牙等牙齒護理，估計受惠人士可達二千人，明年亦會舉辦千人盆菜宴，與眾同樂。