團體斥應贈予護老院
【本報訊】有醫療組織直斥醫管局在今次事件中行政失當及浪費公帑，質疑：「香港咁多安老院同獨居老人需要護理床，點解寧願丟咗佢都唔捐出嚟幫人？」有立法會議員批評醫院將病床當爛鐵處理做法浪費，建議醫管局以後在更換設備時應更善用資源。
「難怪有幾百億都幫唔到病人」
民間組織「關懷香港」兼外科專科醫生郭家麒批評，醫院做法浪費，醫管局與聯合醫院的行政部門需為事件負責，他怒斥：「難怪醫管局有幾百億都幫唔到病人啦！成日財政緊絀，醫生開藥受限制，想開好啲嘅藥都唔得，但係院方就咁樣浪費，最終損失都係病人。」
郭強調，醫院更換電動病床可方便病人及其家人，是合理和值得鼓勵的措施，但用不着的病床大可轉贈予護老院，他坦言：「本港好多機構同獨居長者都好需要，今次事件令人好遺憾。」
「即使舊床無咁先進，但都未至於當爛鐵！」立法會議員王國興批評醫院無善用資源，做法浪費不環保，又說：「將床當爛鐵咁回收真係好可惜。」他建議醫管局在丟棄設備前應先徵詢社福機構院舍、護老院甚至內地機構是否需要接收。