中聯辦前高幹黃春平報稱「獨立」身份參選區議員，而且砌低民主黨當選。民建聯陳鑑林（橄欖）就公開挺黃，話英雄莫問出處，而且香港唔可以歧視駐港機構官員，只要佢不在其位，而且又有三粒星資格，理應畀佢去參選喎。橄欖所講真係當頭棒喝，佢提醒香港人，類似黃嘅背景嘅人染指香港政治，唔使大驚小怪。如此模式嘅「港人」治港，香港人可能諗到，但諗唔到嘅係，回歸十四年，咁快就殺到埋身！
