補鑊狂發告票 檔販一殼淚

經營生果檔吳先生昨稱，食環署已連續兩日向違規排檔發告票，且突然限定攤檔的高度為二點五米，坦言：「我哋都係場火嘅受害者，佢哋搵唔到兇手，就搵我哋開刀！」賣衣服攤檔陳小姐哭訴，已收到十一張告票，食環署突然有高度限制，又要限定短時間內遵從，根本不理販商死活。

「趕絕逼死我哋」

販商陳廣超亦指，政府將火災責任完全推給排檔，食環署不近人情。另有販商指朝行晚拆「係趕絕我哋同逼死我哋。」港九新界販商社團聯合會主席鄭素娥促食環署給多兩個月時間，因要安排工程人員改造檔架高度。販商已同意不將貨物留過夜，冀民政事務總署借地方供販商暫時存放貨物，讓他們有時間另覓貨倉。

有販商指花園街有九十多檔被食環署發告票。	販商張小姐流着淚說食環署趕盡殺絕。	有花園街販商昨到場執拾物品。