推銷員上門推銷滋擾租戶，房屋署竟坐視不理！天水圍天恩邨恩澤樓住戶潘先生表示，自去年入伙後已多次受推銷員上門滋擾，由收費電視、食品推銷以至借貸公司「拍錯門」應有盡有，不滿房署管理不善，「已經投訴過好多次，管理處又唔理，我哋棟樓嗰日仲有個單身女士畀個扮推銷員嘅男人入屋打劫添，好彩畀街坊嚇走咗！」潘氏於事後曾向房署反映，但職員僅反問是否已報警，事後卻不了了之。
房署發言人表示，保安員一直嚴守拒絕未經登記人士進入樓宇的規定，但承認曾發現有服務公司職員上門到訪已登記之用戶單位，隨後卻逕自到鄰近單位進行推銷活動，而過去一年亦曾接獲兩宗相關投訴。
「我一個人都唔只投訴過兩次咁少啦，分明就係講大話，係咪出咗事先做嘢？」潘先生直斥房署「報細數」，圖淡化問題，促加強大廈保安，保障租戶安全。