大埔太和邨停車場驚現老鼠暴屍！經常到上址泊車的許小姐指停車場近日衞生情況每況愈下，更驚見有老鼠暴屍於當眼通道，「嗰朝一早就見到，仲好似死咗好耐，我差啲就踩中！」許以為職員上班後會清理，豈料回程取車時竟見屍體仍原封未動，不禁大動肝火，「咁唔衞生嘅嘢居然咁耐都冇人清理，唔係應該有人巡個場嘅咩？」
負責管理上址的威信停車場（控股）有限公司發言人表示，事發當日未有接獲相關投訴，亦沒有接獲發現老鼠屍體的報告，而清潔公司會不定時在車場內放置老鼠藥餌。惟當記者表示讀者有拍下相關照片時，發言人又即表示「可能係嗰個時間未有人巡場，或者有熱心人士清咗」。
「求其問兩問就答冇紀錄，好彩我有影相為證，唔係佢哋實唔認！」許小姐坦言對管理公司回覆大表失望，促對方認真處理車場衞生問題，「吓吓都要市民投訴先落去個場清潔，唔係就咩都話冇見過，唔怪得愈來愈污糟啦！」