街市消防收緊玩殘租戶
政府部門「唔出事唔做嘢」，將軍澳厚德街市○六年發生大火後，食物環境衞生署始正視轄下街巿違例項目，忽然「執正」要求租戶拆除密封檔頂。然而，卻有租戶踢爆新改動帶來保安及鼠患問題，完全不切實際。關注團體與立法會議員直指食環署措施未有顧及街市實際情況，只盲從條例，促另提方案以切合需要。
牛頭角街市租戶早前陸續接獲食環署通知，要求拆走密封檔頂以符合消防規定，其中一名受影響租戶陸女士指出，檔頂鐵板於租用時已經存在，不忿被指違規的同時，更擔心拆除檔頂後會令貨物不保，「之前爆過消防花灑，浸濕晒啲貨，再爆多一次我啲貨咪冇晒？」
另一檔戶翁先生則指拆除密封檔頂後保安成疑，「渣華道街巿都試過被啲賊剪爛鐵網偷嘢，如果畀人爆格邊個賠畀我哋？」亦有檔戶擔心通風金屬網難阻鼠隻入侵，造成鼠患。
食署建議「有等於冇」
食環署發言人承認，牛頭角街市消防花灑於去年年初曾發生故障，涉事花灑剛通過年檢，性能良好。為符合消防安全規定及防止阻礙消防花灑運作，該署已安排建築署承辦商為有關租戶清拆檔頂構築物，並以金屬網替代，費用會由該署負責。
發言人又稱，街市設有二十四小時保安，亦不時會進行滅鼠運動，能確保貨物安全。倘個別租戶拒絕安排，可自行申請將消防花灑頭接駁至攤檔內，但有關費用需自行負責，並須在日後交回檔位時還原。
「我哋啲檔位咁細，裝喺入面啲貨都唔知擺去邊，到時咪又係逼我哋拆！」陸女士稱，《消防條例》規定，如將花灑頭接駁至攤檔內，花灑頭之下必須有半米空間不受任何貨物阻礙，直指食環署建議「有等於冇」。
全港公共街市販商大聯盟主席黃齊偉認為，糾正街市違規項目屬無可厚非，但食環署的硬件配套則未能令租戶放心，「鼠患嚴重，消防花灑又舊，有咩事檔戶真係血本無歸！」黃又指，倘租戶要求保留密封檔頂需自行支付約一萬元安裝費的規定並不合理，且一般租戶亦難以負擔，最後只能屈服拆卸檔頂。
立法會議員王國興則力斥食環署未有全力協助租戶，「食環署一直都冇正視過街市消防問題，依家要搞唔係唔啱，但係一定做好協調！」王指過往曾協助街市租戶與食環署及消防處交涉，並成功爭取其他替代方案，如以帆布取替固定檔頂構築物，以達致雙贏局面。
記者：林永發、梁卓怡