景點積垃圾 食環署塞責
原名「車坪」的大埔富善街市集歷史悠久，但近年上址一帶衞生情況卻每況愈下，旅遊景點頓成「垃圾崗」。每天途經上址的李小姐指出，文武廟、「車坪」紀念碑等區內名勝長期囤積大量垃圾雜物，不滿食環署執法不力，「呢度變咗垃圾街好多年，投訴極都係咁污糟，你話仲邊有遊客嚟遊覽？」
食環署發言人表示，當局一直關注上址衞生問題，強調每天有派員巡查及清理。發言人又稱，今年一月至九月曾於上址向違規小販及商舖提出二百九十九宗檢控。
「小販及舖頭罰款當交租」
「啲小販同舖頭根本就罰款當交租，條街咪依然咁污糟，即係根本就冇阻嚇作用！」李小姐指情況從未有改善，認為食環署墨守成規，僅以票控違規者難以根治該處衞生問題，建議署方檢討，「票控同巡查咁多次都冇用，係唔係應該檢討吓依家做緊嘅嘢係咪可行？」