一旦政務司司長（CS）辭職參選特首，CS之位邊個接任呢？有傳話外號「人肉錄音機」嘅政制及內地事務局局長林瑞麟（林D9）有望頂上，若然屬實，市民真係要自求多福，話唔定要移民都未定。林D9搞親嘅政策都招致民怨沸騰，再者，佢坐上CS之位就自動成為西九文化區管理局主席，叫佢搞文化，咪即係等如叫大家冇文化？怕且連本地文化界人士都走夾唔抖。難怪新民黨主席葉劉淑儀一聽到林D9可能做CS時，都衝口而出話「祝佢好運」啦。
