法庭：暴洪奪命 渠署報告「三無」捱轟
【本報訊】去年七月廿二日颱風「燦都」帶來大暴雨，居上水營盤村的七十二歲老翁李耀祖被湧入屋內的洪水淹死，死因研訊昨續審時，渠務署工程師潘瑞信出庭解釋署方報告，遭死因裁判官陳碧橋大肆批評：「個報告無作者名、無部門名、無日期，都唔知邊個響幾時寫嘅……中學生習作都會寫自己名啦，呢啲咩報告嚟㗎？你哋渠務署咁做嘢嘅咩？」案件將於下周一作出裁決。
理工大學土木及結構工程學系教授李志偉昨以專家身份作供，指雜物阻塞去水道導致水浸的可能性不大，認為是河道的疏水能力，不足以應付廿七年一遇的大雨所致。但陳官質疑：「現實就係有雜物卡住吖嘛，唔一定物件大過水渠先會塞住㗎，好似啲坑渠咁，唔係通渠師傅都唔會咁好生意啦！」
渠署指死者事發前跌傷
死者女兒在結案陳詞時說：「係因為維修水渠嘅人，無清理河道入面去水位嘅雜物，先會水浸，令我無咗爸爸。」渠務署代表律師則認為，若非死者前一日跌傷以致行動不便，或能及時走開避過意外。
案件編號：CCDI 974/2010