輸血多在所屬病房進行

「好多時病人要做輸血，可能係血色素唔夠、胃出血等，如果主診醫生認為有需要，就會安排病人到原本入住嘅病房輸血，所以任何病房都有機會做輸血程序。」而一些患有地中海貧血的血患病者，則需定期接受輸血，夏解釋稱：「如果佢哋輸完血就走得，就會喺日間護理中心做。不過，都要視乎間醫院有無日間中心，床位夠唔夠等，有時都會喺內科病房做」。另外，部分病人要輸五至六包血，時間可能會較長，遇上中心要關閉，則會安排到內科病房進行。

「可能嗰邊唔夠位」

夏指出，十八歲以下的病人，一般會由兒童及青少年科處理，但當病人成年，就會轉介成人專科部門跟進。「如果發現仲有成人喺兒科，好可能係成人專科嗰邊唔夠位，接收唔晒佢哋。」