申訴專員黎年早前發表報告，狠批當局冇對新界村屋僭建問題嚴厲執法，令鄉議局同一眾鄉紳極為不滿，又話要放炸彈，又話要包圍添馬艦新政府總部，至今都未收科。一波未平一波又起，黎年尋日又批評當局冇及時處理新界保育地問題，要求加快制訂法定圖則，變相中斷鄉議局同當局就解凍保育地嘅商討，等於永久禁止呢批土地作私人發展，斷晒有關業權人嘅米路，新界鄉紳嘅抗爭行動勢將升級。
