人民力量立法會議員陳偉業當日已率先鬧爆李漢奸，尋日再到人民力量創辦人黃毓民接力，詳列出五項李漢奸畀民主黨出賣嘅例證，又列舉對方喺「五區公投」嘅言論前後矛盾，自己呃自己！
毓民透過社交網站facebook發表文章，指民主黨喺「公投」同政改方案談判期間，五度出賣李漢奸，不單止冇資格做泛民主派龍頭，直情連民主派都已經唔係，因此人民力量今次行動並非針對泛民，而係針對「偽民主派」。
民主「不」比黨大
毓民又指出，李漢奸喺「公投」時講過「民主比黨大」，依家又幫番個黨質疑人民力量嘅「票債票償」行動，應該「停一停、諗一諗」嘅，其實係李漢奸本人！