世上有啲嘢，你毋須認第一，而只要一開口就係人都知，好似「淫賤第一，老屈至叻」，咁唔使問阿桂，大家必直指係淫賤黎與壹傳媒。世上亦有啲嘢，你可以感覺良好，自以為自己就是尺度，好似八十五歲的《花花公子》創辦人赫夫納，原本想迎娶二十四歲的「兔女郎」哈里斯，可惜哈里斯突然悔婚，令這老男人遭到滑鐵盧。有人批評他有心冇力何必多此一舉，猶幸赫夫納自信心天下第一，他說所有對他的批評都是嫉妒——男人罵他，是因為想取代他，女人罵他，是因為想嫁給他！
所以話，第一呢樣嘢，有時你想唔認都唔得，因為那是客觀的事實，既然係淫賤不能移，即使用華麗的枱布冚住，淫賤之氣還是澎湃鼓動源源透出；有啲嘢你大言不慚的撕破喉嚨大嗌：信我喇！我哋明人不做暗事，我哋公信第一！可那是主觀的願望。有時你想信都難，皆因成日見到佢講錯嘢又亂咁擺人上枱。
一張報紙的「性格」，逃不過時間的考驗，瞞不過讀者雪亮的眼睛，尤其「公信」，憑甚麼認至叻？眼前就有一個實例，標榜「公信第一」的《明報》，日前一篇報道花旗銀行裁員嘅報道，就被花旗銀行點名狠批，並高調澄清該行不但沒任何裁員計劃，且會在港招聘更多人才，並投放更多資源發展資訊科技。
老朽只能仰天感嘆：自大俠一去，呢張報紙已變成「造」新聞第一，成日見佢「道歉」又「勘誤」。作為佢嘅讀者，若仍信佢乜鬼「公信第一」，那就是「拜錯了菩薩」，除了無奈，更多的是難堪。