范太勸誡唐英年：少講多餘話

范太昨於電台表示，自己是唐英年的支持者，但並非其競選團隊，又強調她接受的人選不代表市民接受，叮囑唐「一切尚須努力」，指政治人物「必須做到辭能達意，多餘嘅、無謂嘅、情緒化嘅說話就少講」。

諷梁振英參選「想咗N年」

對於表明仍在「備選」特首、會在適當時候辭去行會職務的梁振英，范太形容梁早就有心，「擺明車馬」要參選：「（佢）想行呢一步都唔係今日開始啦，都想咗N年㗎啦！」

對於多名建制派人士認為建制派只應派一人參選，范太指同一陣營有多於一人參選，難免會分薄票源，但未至於會造成分裂，未有勸梁退選：「任何人想去做行政長官，對市民嚟講都好㗎，多個人嚟到畀佢地考慮吓，值得鼓勵，千祈唔好潑佢冷水。」但她同時指行會召集人的責任不及政務司司長，「（梁）依家辭同唔辭，對政府嚟講都無乜大分別」。

暗批曾蔭權只做親民騷

談及下屆特首的挑戰，范太不點名批評曾蔭權高高在上，有做親民工夫但做不到真正親民，慨嘆「呢番說話其實不同方法講咗好多年，不過都好似言者有心，聽者無意」。

「龜縮」多日的唐英年昨透過發言人表示，感謝范太的支持和勸勉，他從事公職以來本着奉公為民的心態貢獻社會，今後也會秉持這信念做好工作，但未有回應是否會在短期內辭去政務司司長職位。

梁振英昨晚出席一公開活動時一反常態，未有藉機爭取曝光及發言機會，反而主動向記者表示不會發表任何言論。其助手回應查詢時表示，梁積極「備選」的立場未有改變。