替補機制諮詢會風波愈鬧愈大，有份衝擊會場嘅社民連尋日召開記者會詳細交代事件，向當晚受傷嘅科學館保安員致歉，但否認帶頭衝入會場向保安員「叉頸」嘅「V煞」面具人係佢哋黨員。
社民連早前有大批黨員退黨過檔人民力量，實力大受打擊，惟有喺遊行示威時，有意無意咁將其他並非該黨黨員嘅示威者當做自己人以壯聲威，依家出咗事，又立即同嗰啲人劃清界線，似乎唔係好啱喎！
