中環耳目：黃偉雄最愛「馬車」煙(魚倉)魚
中環食肆林立，夠晒多選擇，但想寧靜又夠舒適嘅，可選擇會所用膳。專業及資深行政人員協會秘書長黃偉雄（Addy）就鍾情中環皇后大道中萬邦行嘅「馬車會所」，至今已幫襯咗十幾年，最愛一味「煙(魚倉)魚」。
本身從事地產的Addy堪稱「魚王」，每餐無魚不歡。因為愛吃鱔，佢「獨家炮製「串燒咖喱鱔」及「串燒麵豉鱔」，喺友儕間好聞名。講到煙(魚倉)魚，Addy就喜歡「馬車會所」出品，大讚(魚倉)魚夠新鮮，肉質結實彈牙，煙熏味夠濃郁。佢又鍾意會所嘅馳名叉燒及「三腳湯」都令佢食指大動，不時相約老友，邊傾樓市邊開餐。
為洗腎中心搞籌款
Addy加入地產界逾二十年，至今事業有成，不忘回饋社會，近日就發起籌辦一所非牟利洗腎中心，年底投入服務。為籌募經費，日前喺理工大學舉行舞台劇慈善首映，請來戲劇之父鍾景輝粉墨登場，相信善款好快達標啫。
卓妮