中環出更：青聯就職禮富二代齊撐場

匯聚城中青年才俊嘅香港青年聯會，日前喺會展舉行新一屆會董就職禮，出席嘅城中俊傑多不勝數，歷任主席亦踴躍現身撐場。當晚青聯骨幹分子傾巢而出，包括擔任副主席嘅新世界集團主席鄭裕彤長孫鄭志剛（Adrian）以及細佬鄭志明（Brian）、霍英東家族長孫霍啟剛及細佬霍啟山、已故全國政協副主席安子介外孫楊鼎立、全國人大常委范徐麗泰囝囝范駿華等。
現任新創建執董的鄭志明（右）只得廿八歲，前途無可限量。左為青聯副主席鄭重科。 （余素月攝）
現任新創建執董的鄭志明（右）只得廿八歲，前途無可限量。左為青聯副主席鄭重科。 （余素月攝）

霍啟剛調皮談婚事

Adrian近年喺商界頻頻出手，展露獨當一面嘅真本領，佢喺儀式結束後就急急腳走人，唔知係咪又密謀出招呢？細佬Brian就留低同一眾兄弟開心飲杯，佢話自己未加入青聯大家庭，今次特意來見識吓。現時青聯會員人數不斷增加，由創會初期十幾人增加至今三萬多人，人氣咁鼎盛，創會主席霍震寰、新及舊任主席葉振都及陳仲尼真係飲得杯落。

身為副主席的啟剛就撐足全場，佢一貫春風滿面、笑容可掬，勁受青聯一班兄弟姐妹歡迎。卓妮見到佢梗要追問幾時會迎娶國寶女友郭晶晶，事關全港七百萬市民都等住呢個好消息嘛！點知佢好調皮咁話：「只得七百萬人咋咩？」係喎！為中國奪得無數金牌嘅郭晶晶係跳水公主，成績更甚師姐伏明霞，內地十幾億同胞對佢嘅歸宿梗係緊張啦！

霍啟剛（右）同細佬啟山感情要好，係城中名門嘅典範。
  • 霍啟剛（右）同細佬啟山感情要好，係城中名門嘅典範。
青聯賢慧社成員組成一幅美女圖，左起：鄭詩韻、林淑怡、費詠詩、林玉茵、主席羅詠詩、周沁。
  • 青聯賢慧社成員組成一幅美女圖，左起：鄭詩韻、林淑怡、費詠詩、林玉茵、主席羅詠詩、周沁。

卓妮

Money18免費即秒股票報價網站現推出8升級功能，財經資訊，實時實發！