政府尋日公布新一輪高官調動，原海關關長袁銘輝將接替夠鐘退休嘅李淑儀，出任食物及衞生局常秘，原郵政署署長張雲正就喺下月一日起，接替袁銘輝掌管海關。袁銘輝同張雲正本身都係政務官，同屬空降關長，但前者起碼都喺前保安科、財政科同經濟科做過，叫做同海關有些少連繫，但張雲正就全無相關經驗，都唔知政府同中央用乜嘢準則去委任，難怪班着紅褲子出身嘅海關關員會咁不滿啦！
