共有五名議員參加抽籤去日本。尋日事務委員會會議上，人民力量議員黃毓民同民主黨議員李華明中選，將會同事務委員會主席張宇人一齊赴日。佢哋仲搞埋替補機制，一旦臨時有人去唔到，就由自由黨議員方剛頂上。
立法會衞生服務界代表李國麟提醒大家，小心日本方面借呢個團抽水，議員懵閉閉做咗日本生招牌，建議大家諗定返港如何向公眾交代。張宇人甚有同感，決定出發前問定食物安全中心意見同埋向食品入口商收風，謀定而後動，了解吓佢哋去到應該睇乜嘢，而返港後隨即寫番份報告外，仲可能開埋記者會添。
話時話，平時立法會出外考察，所花嘅統統係公帑，要物有所值，今次唔係使公帑，但保障無價嘅立法會形象，一樣咁重要。