中環出更：何倍倩被瑞士芝士俘虜
芝士，係美女嘅大敵。恒生新抱兼Zensation Beaute行政總裁何倍倩（Anina）卻對芝士着迷。童年時得爸爸啟發，佢學會以靚芝士配新鮮蘋果片，自此吃出癮。人大了，最愛係瑞士餐廳芝士火鍋及蛋糕，難得佢食極唔肥，羨煞旁人。
美味才是萬歲！Anina愛將牛油果加鮮奶，佢食得好滋味。每次想起芝士，佢愛到尖沙咀瑞士餐廳，柯打一枱芝士美食，大啖大啖吃，嗒一啖香濃軟滑芝士蛋糕，全日都心情愉快。
鍾情瑞士餐廳，佢有原因嘅。Anina喜歡瑞士產品新鮮無污染，早前與瑞士公司合作生產護膚品牌Zensation，深得名媛歡心，十月將喺美國比華利山開旗艦店。
囝囝轉奶粉適應快
Anina對健康講究，囝囝Lawrence食用嘅奶粉，一樣精挑細選。早前日本發生核輻射事件，囝囝食開嘅日本奶粉突然斷貨，Anina一度四出搜購，後來擔心奶粉可能受污染，寧願轉食另一美國品牌illuma。Anina話，Lawrence對新口味適應得好快，認真叻仔。