自稱係孤獨推銷員嘅煲呔曾當年賣藥不成轉行入政府，如今要領導政府，推銷技巧更差到畀公務員窒。香港高級公務員協會主席蘇平治尋日就同一眾推銷政策嘅問責官員劃清界線。佢話，公務員團隊執行力強，只係政府高層向社會同立法會推銷政策時好弱，未能爭取立法會同埋市民支持，例子仲有一大籮。即係話，政府高層做得差，好心唔好賴公務員喇。
