政情：饒宗頤：天上有我星
國學大師饒宗頤智慧深如海，堪稱「潮州之寶」，饒教授老來得星，月前獲國際小行星命名委員會頒星，將國際編號10017的小行星，正式命名為饒宗頤星。
細女網上首先發現
頒星過程好神秘，饒老事前完全唔知情，該委員會早前喺網上公開有關消息，饒教授細女饒清芬睇到，馬上通知爸爸。饒老開心到笑不攏嘴：「嘩，天上有我粒星喇！」
饒清芬話，爸爸生於一九一七年，咁啱得咁蹺，小行星編號最尾兩個數字亦是「17」。
饒老一夜間光耀銀河，饒清芬話，起初唔敢相信，直至登入該會網頁看見爸爸名字後，先知道自己唔係發夢。
饒清芬話，一家人好低調，唔會大事慶祝，食餐家常便飯，已心滿意足。