強積金計劃管理局最近建議增設恩恤制度，容許供款人喺某啲情況下可以提早領取部分供款，但諮詢一開始即被各界狠批。港大社工及社會行政學系講座教授周永新尋日就喺電台節目狠批建議係「未學行先學走」，佢話新加坡推行強積金已有五十多年，已經係超級強積金，相反香港推行只有十年，確係「低Ｂ到痹」，就連養老都唔夠，倒不如取消諮詢，改善現有制度好過。
