「愛心商戶」賺到錢幫窮人
【本報訊】「別人嘅一句多謝，賺幾多錢都賺唔到！」何文田有善心食店派粥惠及長者，原來深水埗亦有位愛心老闆，每逢周六炮製鮑魚雞粥免費招待區內長者，月花過萬元亦在所不計，期望為貧困長者帶來溫暖。另有義務為邊青提供培訓的蛋糕師傅、免費替低收入家庭青年配眼鏡的眼鏡店店東，本着無私的心扶助區內弱勢社群，同獲社會福利署嘉許為「愛心商戶」。
位於基隆街的德發小廚每逢周六均提早營業，但招待的並非一般客人，而是區內長者，老闆馮嘉橋稱，年多前開始「派粥」，「覺得自己賺到錢，應該幫吓人，人哋粥店老闆日日派粥，我冇能力日日派，都可以每個禮拜幫吓人。」
他遂聯絡社福機構轉介區內長者到店，每逢周六提早凌晨六時開舖，親自炮製兩大煲鮑魚雞粥讓長者「任食」，每次約招待一百五十人，「每個月都要使過萬蚊，但見到公公婆婆咁開心，自己仲開心過賺大錢。」
義務教邊青做蛋糕
於香港仔經營蛋糕店「kiwi sweets」的李方輝同樣熱心義務工作，他六年前創業，當時經營甚艱困，但有機構邀請他當藝工教邊緣青年做蛋糕，他亦一口答應，「我自己都壞過，食過白粉，仲差啲入咗黑社會，所以好想幫啲年輕人令佢哋有人生目標。」五年多來他教出至少三、四十個學生，其中六、七個更成了他的「入室弟子」並在店內工作，「好多由唔聽話變到好積極，見到佢哋轉變最滿足。」
分別於天水圍、九龍城及筲箕灣經營眼鏡店「尚目眼鏡」的雷子然同樣協助貧窮家庭青年，免費替他們驗眼及配眼鏡，「有個住響天水圍嘅小女孩眼鏡爛咗冇錢換，所以激發我做義工。」他稱，初時曾受到生意夥伴反對，但後來大家漸漸接受，每月可服務三十多人，「希望小朋友唔好因為冇錢影響視力，幫到幾多就幫。」