近年有立法會議員帶起掟嘢文化，經常被主席逐出會議廳。回歸前出任立法局主席嘅黃宏發，係首位逐議員出會議廳嘅主席，佢尋日接受電台訪問時話，眼見現時部分議員以偏激行為抗議，雖然行為唔啱，但反映行政同立法關係出現問題，係政府自討苦吃。發叔咁講，即係話搞到今日局面，完全係政府自己攞嚟衰，如果煲呔曾政府肯尊重議員同聽取民意，相信唔會導致今日嘅局面。
