【本報訊】滙豐銀行即將推出黑池交易平台，股票客戶要親身到銀行辦理不參加手續引起爭議之外，黑池平台「黑箱」作業的模式更加引起網民關注。有網民「佐生」質疑滙豐散戶交易自動撥黑池，大戶買賣無人知，「竟然可以容許人哋枱底交易，紀錄出現某某成交紀錄，但係你無可能做到，公平嗎？現在造價，造假真方便。」
網民「200888」指出，滙豐黑池可以避免通過經紀公開掛牌列出買盤或賣盤，悉數暴露在公眾眼前，而且在港交所交易時間以外的時段，亦可如常買賣……從此，由邊個基金造市冇人會知，最恐怖係銀行嘅誠信問題，以後唔使經港交所，佢有冇對盤亦冇人知，包括港交所，因此可能出現報細數或報大數，因而誤導投資者，對小股民有直接傷害性！」
網民「lnsaneo」亦指「分明係合法造市，政府咁都批個牌畀佢，你話香港法律仲有咩可信性。」有網民則指滙豐的黑池交易平台趕絕小股票經紀行，是細行的大災難。