人民力量喺今日起一連幾日圍攻立法會，仲將寫上意見嘅紙飛機掟向立法會。雖然係一個夕陽兼跛腳嘅政府，但個別官員嘅態度好強硬，例如保安局局長李少光就話，示威唔係惡晒嘅。
貫徹呢個強硬精神，食物環境衞生署署長梁卓文好應該嚴厲執法，將掟紙飛機嘅市民當垃圾蟲咁看待，每位收佢千五蚊，庫房自然多咗進帳。如果政府做得好，就乜嘢形式嘅示威都唔會成氣候啦，仲點會有人堵塞鬧市同掟紙飛機？
