兩示威者襲警刑毀判社服
【本報訊】「女長毛」雷玉蓮去年「十‧一」在中聯辦示威期間毀壞警方鐵欄，另一名男示威者曾浚瑛則用肩撞警員胸口，案件昨在東區裁判法院判刑，裁判官指二人藉衝擊警方引來社會關注實屬不智，反問兩人：「香港有史以來最成功引起關注係邊次集會？」又認為警員只是「打份工，無選擇」，訓話一輪後，最終判二人分別履行一百二十及一百六十小時社會服務令。
雷玉蓮斥政治打壓
裁判官昨判刑時指，和平集會也可成功引起社會人士的關注，指被告雷玉蓮（四十八歲）及曾浚瑛（廿三歲）「有熱情、有原則係好，但都要合法」，並指警員無選擇：「你去問佢哋（警員）任何一個吖，有邊個想去呢啲集會執勤？唔係佢哋意思囉。」雷玉蓮求情稱已因為本案失去兩份工作，亦非有心毀壞警方鐵欄，望可輕判。惟她在庭外則繼續聲稱「被屈」，聲言「我一個女人仔點整爛個鐵欄呀？唔公道啦，判咁重，政治打壓！」
曾浚瑛求情時則稱已上了寶貴一課，願意承擔法律責任，經過反思後不會再與前線警員作正面衝突。對於裁判官的意見，他在庭外指要視不同情況而定，「如果好次八九年「六‧四」有成百萬人集會梗係好，但好多時都係由我哋示威者作先鋒」，他又着社會人士反思「制度暴力同警方被衝擊邊樣重要啲」。
案件編號：ESCC 1341/2011