「陀地區」女管房 窮追記者扯爛衫
【本報訊】「我唔係陳家偉！」甫踏出鳳樓「陀地區」的陳家偉，驚見本報記者的相機閃光燈，即拔足逃避，此時「陀地區」女管房見被記者踢爆，發爛渣窮追記者，並扯爛記者衣服，當陳家偉得知事件驚動警方後，未有趁混亂溜走，其後坐在路旁等記者追訪，警方到場後向陳查問經過，事件平息。
昨午記者在香檳大廈的劏房鳳樓外守候期間，在門外把風的女管房一直監視記者舉動，待陳家偉步出後，記者即舉機拍攝，此時女管房突然衝前咆哮：「呢度唔畀影相！做乜影相呀？」
記者追陳到二樓時問他：「嫖妓之後舒唔舒服？」陳尷尬地說 ﹕「有乜嘢舒唔舒服？」記者續問：「你係民主黨陳家偉？」陳稱「我唔係陳家偉。」說後腳步加快，一路行落地庫及循冷巷走出加拿分道出口，女管房則緊纏記者大嚷：「打劫呀！做乜影相？」更扯爛記者衫袖，大吵大嚷引來途人注目。
兩漢傍實 警員備案
糾纏間，記者要報警求助，陳並無趁機溜走，他行過金巴利街時停問記者：「你哋想點？」記者答道：「我想採訪你事後感受。」陳這時承認自己是陳家偉，又向記者說﹕「不如你搞掂個女士（女管房）先啦。」然後一臉無奈坐在路邊。警員接報到場期間，兩名大漢從香檳大廈出來，其中一人怒喝﹕「以為大晒呀，你哋嚟做乜？」、「你影到佢（女管房），人哋以為佢係雞點算呀？」最後警員備案後離去，女管房聯同兩名大漢離去，而陳家偉被記者質問後亦悻然離去。