危險花籠懸空九年未拆
屋宇署視察近九年，生銹鐵籠仍懸而未拆。「個花籠凌空吊住冇人理至少五六年，同屋宇署投訴極都冇行動！」陳先生指發現洗衣街後巷有違規鐵籠已有多年，擔心鐵籠一旦墜下將後果堪虞，「佢（屋宇署）次次都話遲啲會拆，但又話要等招標，講完都唔知幾時拆到？」
屋宇署發言人證實，曾於○二年十一月向上址業主發清拆命令，惟因單位業主離世而無法檢控，當局已多次派員到上址視察以確定鐵籠沒有危險。直至今年三月，當局已根據《建築物條例》向法庭申請封閉，現正安排有關安全措施及拆卸工程。
旺角區居民協會主席黃舒明表示，業主離世確會增加清拆僭建物難度，但質疑署方與市民溝通時態度官僚，難以釋除市民疑慮，「街坊打親去（屋宇署）都淨係覆已按程序做嘢，就算係啱程序又點，根本就安撫唔到受影響嘅市民！」