政府推出防公投替補機制遭各界狠批後，部分支持法案嘅建制派議員都喺民意壓力下「轉軚」，擬投棄權票或反對票。不過，贊成法案嘅工聯會就繼續死撐，身兼行政會議成員嘅工聯會會長鄭耀棠尋日出席活動時，聲言政府已經掌握民意，又話支持機制嘅市民好清楚機制內容，只係反對機制嘅市民未了解機制內容啫。莫非棠哥唔認同替補機制會剝奪市民嘅選舉權同參選權？
