火鍋店霸街危機重重
家住元朗鳳攸北街的何先生發現，居所附近有食肆每屆晚上六時左右便會在行人路上擺放枱椅營業，不但阻礙行人路，亦影響大廈住戶出入。何指有關食肆以火鍋為主，在行人路上擺放枱椅用餐存在一定危險性，何先生的七歲兒子便曾差點撞倒枱上火鍋，險象環生，「我哋已經同食環署投訴咗好多次，佢哋都唔理，呢度住落好多老人家同小朋友，係咪要淥親人先理？」
食環署發言人指當局一向關注該食肆阻塞行人通道問題，亦不時派員突擊巡查，今年一月至今已向該食肆提出七次檢控。
不過，當區區議員麥業成直言食環署執法輕率，未能收阻嚇之效，「我哋都同食環署反映過好多次，半年都只係告咗七次，平均一個月一次左右，次次罰得幾百一千，根本冇阻嚇作用，其他食肆亦都有樣學樣。」麥促食環署加強巡查和加重刑罰，以杜絕阻街情況。