曾蔭權朝令夕改好核突
房屋委員會將於下周一召開大會，屆時運輸及房屋局常任秘書長栢志高將公開回應復建居屋問題，希望趕及在七‧一遊行前為民怨降溫，據悉港府傾向以私人參建居屋形式興建及推出，以盡量減少政府介入。不過，昨日致電電台談論復建居屋的市民，不論支持或反對復建，都一致狂轟曾蔭權施政朝令夕改，「特首畀（國務院港澳辦主任）王光亞踩兩句就即刻話要起居屋，唔該唔好咁核突啦」，質疑政府純粹是因王光亞及七‧一等政治考慮作決定，並非真正「急市民所急」。
市民劉先生昨於電台炮轟曾蔭權，「畀王光亞踩兩句，就即刻話要起居屋，唔該唔好咁核突。王光亞唔嚟佢就唔轉口風，所以話曾蔭權並非急市民所急。」
另一市民張先生亦批評曾蔭權施政搖擺不定，朝令夕改：「之前置安心好多人都話唔work，但佢要繼續推，結果啲樓價係咁升，之後佢又放風話施政報告會交代復建居屋，咁樣係好唔應該。如果佢真係急市民所急，就唔應該再等四個月，等施政報告才交代。」
市民斥不應「一時一樣」
從事地產代理行業的黃小姐表示，不少居屋業主購入單位後，會轉售牟利，不滿曾蔭權出爾反爾：「政府話咗唔起（居屋），之前仲講話堅決唔起，好多客因此先上車，但依家佢畀人話下就心郁郁，咁樣對已經上咗車嘅市民好唔公平。」反對復建居屋的馮小姐，亦質疑曾蔭權不應因別人的說話而隨便更改政策，「一時一樣」。
張炳良建議增白表比例
此外，一直支持復建居屋的行政會議成員兼房委會資助房屋小組主席張炳良昨日表示，隨着私樓樓價急升，社會現時對復建居屋的訴求較兩年前明顯：「兩年前一半一半人支持復建，不少人擔心會推倒樓市，加上有八萬五陰影，但依家樓價急升，情況唔同。」他重申居屋與私樓市場不同，復建居屋不會打擊樓市，又認為如決定復建，應增加白表申請人比例。
財政司司長曾俊華則重申，特首已留意到市民對復建居屋的訴求，會在施政報告交代，又死撐政府當年決定停建居屋，是經過社會長時間討論才作出決定。他強調現時外圍經濟情況不穩定，市民如要置業，要考慮外圍及匯率等風險，最重要是量力而為。