政情：長者怨港台播立會騷

廢噏阻聽粵曲

普遍長者較多空餘時間，但佢哋寧願聽粵曲都唔想聽班議員廢噏，可見家陣嘅立法會會議有幾咁廢。又好難怪啲長者嘅，事關啲議員經常喺大會上提出緊急質詢及休會辯論，又成日喺會上亂噴口水、借題發揮、離題萬丈，令大會成日淪為馬拉松會議，要搞兩日、甚至三日，難怪聽到班長者火都嚟埋。

葉偉明話，佢打算質詢港府有冇評估過喺港台第五台轉播立法會會議對聽眾嘅影響。不過，葉偉明本身都有份喺大會上「噴口水」，唔通佢都覺得周三大會廢到唔值得轉播？抑或想港台轉去另一台直播會議呢？