政情：林鄭斥僭建有頭威無尾陣

僭建風暴愈吹愈烈，問責高官、立法會議員、鄉紳嘅物業相繼被揭發有僭建，逼到屋宇署同發展局要急補鑊，正視市區樓宇及新界村屋僭建問題。發展局局長林鄭月娥尋日喺電台節目繼續一貫強硬立場，指新界原居民有權起丁屋，但就無權僭建，並重申絕無特赦呢回事。不過，林鄭臨尾都補飛話，部分丁屋已經轉咗手，所以有僭建問題唔一定係原居民，當局亦會同鄉議局尋求合法、合情、合理嘅解決方案喎。