中環出更：阿Lam打書釘睇大婚雜誌

前日下午四時許，卓妮見一身Causal Look嘅阿Lam着得好有型咁現身中環，佢着咗條牛仔褲配襯緊身T恤，結實嘅肩膀上披件針織衫，再加上佢至愛嘅Cap帽，男人味十足。阿Lam由遮打道急步行入太子大廈後，直上三樓間「Bookazine」書店，然後喺雜誌區消磨午後時光。

除咗王子大婚書籍吸引阿Lam眼球之外，佢又睇吓靚車雜誌，漫無目的行咗約四十五分鐘，最後空手離去。卓妮上前同佢打招呼，佢話近排忙緊音樂製作，當日只係想行吓書店，咩書都睇吓喎！咁點解太太冇陪伴左右？阿Lam木無表情，冇回應就離去。莫非趕住去睇王子大婚嘅直播？

阿Lam大約睇咗四十五分鐘後，無收穫離開書店。

書店擺放咗多本以威廉王子大婚做封面嘅雜誌。