法庭:內地夫婦手機盜錄三級片

【本報訊】三級電影《3D肉蒲團之極樂寶鑑》甫在港上映,便吸引一對內地夫婦來港先睹為快,二人看戲期間聲稱因「貪玩」及「想留個紀念」,各自取出手機盜錄電影,職員暗中監察後通知海關到場拘捕二人。夫婦昨於觀塘法院承認一項在公眾娛樂場所管有攝錄器材罪,並極力求情望能取回手機,更聲稱機內有兒子功課,但遭裁判官揶揄:「會唔會畀個仔睇睇吓功課時,㩒吓㩒吓出埋套三級片?」最終充公二人手機並各判罰二千元。

報稱商人的男被告王滿華(卅四歲)及報稱財務總監的女被告周結紅(卅二歲),均持內地旅遊簽證來港,案情指二人在本月十四日下午二時多,於九龍塘又一城AMC戲院的六號院內,無合法授權而管有手提電話作攝錄器材,偷拍上述的三級電影。

兩被告昨以純正廣東話自行求情,指二人是夫婦在內地營商,男被告懇請法庭不要沒收手機,他指:「可以罰多啲錢,裏面有好多好緊要嘅嘢,銀行戶口號碼嗰啲」,女被告則指「短訊有仔仔嘅功課,我哋大陸啲學校要用短訊交功課」。惟裁判官回應:「呢頭(手機)入阿仔功課,嗰頭入三級片,會唔會畀個仔睇睇吓功課時㩒吓㩒吓出埋套三級片?」又指戲院內外甚至開場後,均有明確指示不能盜錄,又指「就算唔知咪唔好做囉!」

充公二人手機各罰二千

男被告回應指因遲入場沒看到告示,又自稱在港「無衝紅燈無丟垃圾,好守法」,裁判官再駁斥:「有啲嘢返唔到轉頭㗎,明唔明?我都去過內地睇戲啦,都無人提我,我都唔會盜錄啦!」裁判官最終只准二人可向海關申請抄回手機內重要資料,並直言:「我已經做到最大程度,咁樣令海關額外多咗工作」,但二人仍鍥而不捨要求取回手機。裁判官遂厲言:「點解咁長氣?案例係要充公,要同社會大眾交代,要你哋得到教訓!」被判各罰二千元的兩名被告,離庭時臉露不悅,當發現有記者拍照時,男被告伸手阻擋鏡頭並拔足狂奔,女被告拋下丈夫獨自乘的士絕塵而去。

案件編號:KTCC 1980/2011

Money18免費即秒股票報價網站現推出8升級功能,財經資訊,實時實發!