曾鈺成話，唔覺得派錢有咩錯，既然港府今年比預算多出咁多「意外發達」嘅盈餘，將佢哋派畀市民並無大不了。期間有學者及區議員均即時指出，派錢無助解決問題，亦得不到市民支持，惟曾鈺成繼續死撐，仲反駁話每次落區都聽到班街坊支持派錢，想知幾時先收到喎。佢事後唔認自己言論有違反「三不」，強調自己只係引述他人言論同鋪陳事實喎。
曾鈺成上任以嚟都鮮有公開評論港府政策，今次咁講，明眼人都知佢一係就為咗保皇，一係就為來年選舉拉票。同場嘅恒隆地產董事長陳啟宗亦唔贊成港府派錢，仲話已經將自己嗰六千蚊，捐畀佢一位冇錢睇牙嘅朋友。