政制及內地事務局局長林瑞麟上星期四至做完心臟通波仔手術，星期五出院就立即返工，尋日又晨咁早喺政府總部出現，話自己有好多嘢要做，近至星期三嘅預算案投票，遠至內地事務、港台合作等，佢無非都係想話畀大家知，佢身體壯健到老虎都打得死幾隻，遲啲要佢做乜司長乜局長，當然係冇問題喇。
不過做高官除咗健康容許外，仲要符合其他要求，例如工作能力同親和力等，唔知佢喺呢啲方面嘅自我評估又係點呢？
