新嘅指令包括新大樓成幢樓，無論係會議廳，抑或前廳、後廳同花園都包括在內，換言之將來立法會開緊會嘅時候，而示威人士喺新大樓出面嘅立法會廣場嘈喧巴閉，主席如果覺得唔滿意，照樣有權出「紅牌」趕佢哋走，秘書處仲打算新嘅指令會喺今年九月新大樓啟用之前就實施適用。
其實更重要嘅係，法例賦予立法會議員特權，喺佢哋往返立法會開會途中，可以免被逮捕，議員發言受到保障，唔會因為佢哋嘅發言而被控誹謗。
話時話，秘書處喺修改指令嘅文件入面，唔覺意透露咗新大樓將會喺五月十七日星期二完工，而呢一日又剛好係立法會主席嘅生日，會唔會巧合咗啲呀？