近年內地孕婦不停湧落香港生仔，私家醫院婦產科盆滿缽滿，但係公立醫院就做到嗌救命，食物及衞生局諗計，叫私家醫院一齊減收內地孕婦，食衞局局長周一鑊尋日約咗十幾個私院代表開會，不過私家醫院聯會主席劉國霖會後就話，有私家醫院之前已加咗產科病床同人手，暫時都無意減收孕婦。總之周一鑊同私院各有盤算，各有各講，有排都未埋欄。