香港樓市受到日本核災害影響而成交急跌，但樓價依然企得好硬淨。運輸及房屋局局長鄭汝樺尋日喺立法會財委會再次出口術，話金管局都講咗本港將進入加息周期，肯定影響樓市，呼籲市民置業前要考慮清楚，同時又死撐置安心計劃能夠協助部分市民置業。
不過，多名議員繼續對港府嘅壓抑樓價措施投以不信任票，話除非當局肯復建居屋，否則樓市有排都唔會見頂回落。
