中環出更：雷兆光恐和食受輻射污染
九巴家族後人雷兆光尋日以九巴商務總監身份出席一個記者會，佢早前同家人、朋友遊日本東京遇上大地震，結果要提早結束旅程返港。佢慨嘆有劫後餘生嘅感覺，祝福日本要振作加油，但同時又覺得日本食品可能有輻射污染危機，所以有得揀寧願食其他產地嘅食物。
遊東京撞正地震
雷兆光話，以往經常去日本，每幾個月都去一次，平均每次留兩至三日，本月十一日，佢同太太及六個朋友一齊去東京，喺酒店落腳冇耐就發生地震，於是急忙走出酒店外空地避難，慶幸唔係搭緊
：「當時只係想地震快啲停，之後見到四周啲建築物冇嘢跌落嚟，心諗日本建築果然勁！」
佢估到地震一定有核影響，決定兩日後搭飛機返港，期間冇捱到貴機票。雷兆光唔係第一次遇到地震，佢話四年前喺羅省遇過一次五級嘅，當然唔夠今次咁強。
佢同太太返港後，認為冇需要特登走去驗自己有冇輻射，但如果食落肚嘅日本食物就會三思食唔食好：「如果有第二個國家嘅食材選擇，都想避得就避。」