投訴：路窄兼斜趕輪椅出馬路
「條燈柱足足霸咗三分一條行人路，叫輪椅點過？」竹園邨居民吳女士指出，雅竹街近趣園樓對出行人路一段路面又窄又斜，令輪椅使用者被迫走出馬路，「其實加闊條行人路有幾難？」
運輸署發言人表示，上址馬路已無收窄空間，已建議房署騰出部分花槽空間以加闊行人路。竹園南邨物業服務辦事處發言人承認已接獲相關建議，因當中涉土地契約條款問題，須向領匯、當區區議員等多方持份者徵詢意見以研究改建花槽之可行性，預計今年年中才可敲定方案。
當區區議員許錦成表示，至今尚未接獲屋邨辦事處諮詢，「但如果係啲小改動，使做咁耐諮詢？搞搞下成個工程都拖慢晒！」許促有關部門以用家角度出發，靈活擬出解決方案，早日改善設施。