政情：大舊白鴿「追殺」林D9

新一份預算案天怒人怨，財爺曾俊華當然成為眾矢之的，不過有人肉錄音機之稱嘅政制及內地事務局局長林瑞麟，無論幾時都係泛民主派嘅眼中釘。民主黨喺過去幾年都話要喺預算案刪減林D9嘅人工，今年都有問定有關資料，同白鴿黨勢成水火嘅人民力量立法會議員大舊陳偉業，尋日跳出嚟話打算刪除成個局嘅使費，總之係爭住要林D9冇啖好食。

大舊尋日開完人民力量首次黨團會議後話，佢打算先削減運輸及房屋局、政制及內地事務局，同埋商務及經濟發展局打算用嚟請政治助理嘅開支，每個局大約一百九十萬元，佢仲索性刪除埋政制局一億一千萬蚊開支，變相將政制局喺局長辦公室以及政制及內地範疇嘅開支歸零，直頭殺局咁滯，事關佢好不滿政制局表現。白鴿黨早就打算向林D9開刀，依家大舊加入戰團，唔知林D9會唔會錯覺自己好受歡迎呢？

Money18新功能「18好路數」為你預測心水股票升跌機會率