中環出更：銷售鬼才瞓街體驗窮滋味
窮滋味，過一天也度日如年。林國誠（Bruce）係堂堂諾基亞香港及澳門區市場營運總經理，為體驗窮滋味，瞓街五日四夜，人生首次靠兩蚊度日，佢執紙皮、應徵廿份工冇人請，最後為賺百多元，送外賣行到襪都穿。
露宿送外賣
挑戰由去年聖誕開始，Bruce參加本港一個電台搞嘅真人騷，體驗露宿滋味。一開始，佢身上只得兩蚊，被置身於羅湖商業城，Bruce厚着面皮求車站職員幫忙，成功返港，但考驗才真正開始。佢一個人喺深水埗，瞓球場、公園、貨車，與露宿者為鄰。
佢本身係「銷售鬼才」，口才了得，轉數快，沒想過變身露宿者後，四出敲門也「食白果」。好不容易搵到一份「送外賣」，日做十幾粒鐘，返咗兩日工，心力交瘁。
敵不過攝氏七度寒風，Bruce以為入住避寒中心會是天堂，誰知與失意的露宿者擠在一起，都好難頂。五日四夜過去，佢學會珍惜同感恩。