過江女神：出火跟步驟 改例最抵鬧
最近高官都企唔硬，要急急轉軚，但有骨場技師居然死不悔改，主動彈客都未驚過，真係唔做骨妹去當官都有得諗喎！
按部就班
骨場技師職責替人客出火，雖然話有其專業性，但實情都係老闆話事，按人客需要而服務。而喺澳門帝×桑拿一位叫靜文嘅技師起晒朵硬淨，從來未有人客可成功挑戰佢，究竟阿妹有乜咁把炮，夠薑連客都敢彈呢？靜文解釋：「出火有步驟，唔係話你鍾意快就快、慢就慢，要按部就班，搞齊全套至可以骨火盡出，缺少一個步驟或倒轉次序都達唔到效果！」細佬自問年中都揼唔少骨，從來未聽過要跟足程序至可以出到骨火，反而我認為靜文你信口開河，將揼骨升到上神枱啫！「你呢啲咪叫膚淺兼性急囉！須知道中式按摩講穴位，照規矩應由頭到腳，可惜現時嘅骨友太過性急，入房只要求囡囡按唔舒服嘅地方，好似肩膀、腰同小腿，有啲仲指定集中按嗰度，完全忽略全身按摩保健，試問揼完又點會爽呢？」唔係啩？照你咁講，十個男人有九個揼完都唔爽？
技術參差
阿妹認為現時技師技術參差，而人客質素更未合資格，入房純為一洩，因此根本達唔到骨火盡出境界，而為咗保持個人操守，遇着唔識貨嘅人客，情願主動離開，有錢唔賺。靜文解釋：「既然人客唔識貨，我又做得唔開心，自然難以投入服務，不如我離開，等佢搵個啱心水嘅仲好啦！之不過以上情況暫時都只試過一次，因為每當我入房同人客鬆骨，對方都會感受到我嘅誠意，可以話任得我擺布，鬆完骨再出火，成個人精神爽利，對比你過往揼完仲攰，或者爽一陣嘅感覺，完全係兩種效果，所以人客都食過翻尋味，同時我亦覺得，業界應該有呢種職業道德……」夠喇阿妹，毋須賣花讚花香，你手骨勁係人都知，問題係你口水咁多，不如專心揼骨仲實際囉！
靜文Profile：
三圍：34-25-33
身高：5呎4吋
撰文：祖
攝影：生