商場滴水 領匯未徹查
將軍澳厚德商場作為領匯其中一個重點發展商場，外表美輪美奐，卻被居民發現「得個殼」，王小姐指商場內天花多處滴水，「郵局嗰條路已經滴咗好耐水，但係佢哋（領匯）放個膠桶喺度就算！」王更指不少居民將膠桶當作垃圾收集箱，衞生情況有欠理想。
領匯發言人承認上述地點有滴水情況，更稱因天氣潮濕令天花位置有水點凝結，引致滴水，已即時作出跟進。
當區區議員凌文海表示，曾多次向領匯反映卻不得要領，更力指滴水並非潮濕引致，「一落雨啲水就係咁滴，潮濕點會咁誇張呀！」凌指現時領匯只在商場安裝喉管疏導滴水，並未有對症下藥，促領匯盡快作出全面檢查。