中環出更：余錦基部署退休歎世界
現代人愈來愈追求健康，可以退休嘅，都寧願留番啲時間享受人生。今年踏入六十六歲嘅體育界元老余錦基都部署緊退休，佢話依家一步步靜落嚟，加上做咗老竇七個月嘅乖仔又肯接手，令佢更安心退下火線。
余生去年好厲害，連抱兩隻老虎仔，一年之內做晒爺爺同公公，不過小虎只有幾個月大，做咗表哥嘅大虎都未係好習慣，偶然都會推吓表弟。余生一得閒就同兩個小朋友講嘢，仲話好開心兩隻老虎仔好鍾意玩波，希望第日可以同佢哋一齊踢波。
不過兩隻老虎仔一個似新抱、一個就似女婿，所以余生希望仔女們繼續努力，生個似佢嘅，最好兔年、龍年都有收成就最好喇！